31 снежня, Позірк. Дадатковыя меры “па забеспячэнні бяспекі нашых грамадзян” у перыяд навагодніх святаў анансавала 31 снежня Міністэрства ўнутраных спраў.
Паводле слоў начальніка галоўнага ўпраўлення аховы правапарадку і прафілактыкі (ГУАПП) МУС Аляксандра Купчэні, для “павышэння ўзроўню бяспекі святочныя пляцоўкі абследуюцца сапёрна-піратэхнічнымі групамі”.
“Грамадзяне змогуць прайсці на ахоўную тэрыторыю толькі пасля надгляду на спецыяльна абсталяваных кантрольна-прапускных пунктах. Пры гэтым асобы, якія знаходзяцца ў стане алкагольнага ап’янення або маюць забароненыя для праносу прадметы, дапускацца не будуць”, — сказаў Купчэня.
Ён таксама паведаміў, што “ў асобных месцах правядзення масавых мерапрыемстваў” можа быць абмежаваны рух транспарту.
“На перыяд карпаратыўных мерапрыемстваў патрульныя ўборы набліжаныя да забаўляльных устаноў, павялічана іх шчыльнасць размяшчэння”, — адзначыў прадстаўнік ведамства.
МУС заклікала” з разуменнем “паставіцца”да падвышаных захадаў бяспекі і выконваць устаноўлены парадак правядзення масавых мерапрыемстваў”.
