У ліпені хутчэй за ўсё даражэлі рыс, газеты і міжнародны турызм

11 жніўня, Позірк. Рыс, штодзённыя газеты і паслугі міжнароднага турызму выявілілся лідарамі па падаражэнні ў ліпені 2024 года, сведчыць праведзены “Позіркам” аналіз даных Белстата.

Цэны на іх павялічыліся на 4,03%, 3,99% і 3,39% адпаведна пры агульным росце спажывецкіх цэн за месяц на 0,03%.

За студзень — ліпень 2024 года цэны выраслі ў сярэднім на 3,42%. Прадукты харчавання падаражэлі на 3,53%, нехарчовыя тавары — на 2,14%, паслугі — на 4,08%.

Сярод сезонных харчовых тавараў больш за ўсё за сем месяцаў выраслі кошты на бульбу (у 2,21 раза), моркву (на 79,65%), буракі (+73,97%).

Сярод астатніх харчовых тавараў хутчэй даражэлі аліўкавы алей (+17,17%), какава-парашок (+13,38%), гарох, фасоля (+12,05%).

У тройцы па падаражэнні сярод нехарчовых тавараў: штомесячныя часопісы (+14,29%), набор корпуснай мэблі (+9,10%), гарнітур для пярэдняга пакоя (+8,95%).

Сярод паслуг хутчэй за ўсё даражэлі міжнародны турызм (+20,17%), вываз і ўтылізацыя цвёрдых камунальных адходаў (+18,60%), карыстанне ліфтам (+17,21%). Патаннелі толькі тры віды паслуг: рытуальныя (-5,83%), страхаванне легкавых аўтамабіляў (-3,92%) і паветранага транспарту (-1,39%).

Падрабязнасці даступныя падпісчыкам “Позірк+”