Амбасадар Вялікабрытаніі Жаклін Перкінс завяршае місію ў Беларусі

16 жніўня, Позірк. Амбасадар Злучанага Каралеўства Вялікабрытаніі і Паўночнай Ірландыі Жаклін Перкінс у бліжэйшы час завяршае сваю дыпламатычную місію ў Беларусі, вынікае з паведамлення Савета Рэспублікі.
Дыпламат сустрэлася са старшынёй пастаяннай камісіі верхняй палаты па міжнародных справах і нацыянальнай бяспецы, экс-кіраўніком МЗС Сяргеем Алейнікам.
Паводле інфармацыі Савета Рэспублікі, бакі “абмяняліся думкамі аб стане і перспектывах беларуска-брытанскіх адносін. Пры гэтым “была акцэнтавана ўвага на неабходнасці дээскалацыі адносін, пераасэнсавання працэсаў, якія адбываюцца, і аднаўлення ўзаемапаважлівага дыялогу”.
Брытанскі бок аб сустрэчы не паведамляе.
Жаклін Перкінс уручыла даверчыя граматы Аляксандру Лукашэнку ў верасні 2019 года. 11 кастрычніка 2020 года яна пакінула Мінск, але вярнулася праз некалькі тыдняў. Вялікабрытанія адклікала свайго амбасадара для кансультацый і абмеркавання сітуацыі ў Беларусі, асудзіўшы прынятае напярэдадні рашэнне афіцыйнага Мінска аб высылцы польскіх і літоўскіх дыпламатаў.
Які пакінуў у чэрвені гэтага года пост міністра замежных спраў Сяргей Алейнік з 2013 да 2020 года быў амбасадарам Беларусі ў Лондане.
Наступны за ім амбасадар Аляксандр Міхневіч быў адкліканы беларускім бокам у ліпені 2022 года. Як заявіў тады прэс-сакратар беларускага знешнепалітычнага ведамства Анатоль Глаз, паўнавартасная дыпламатычная прысутнасць у Лондане “будзе адноўлена пасля з’яўлення ў брытанскім урадзе “адказных палітыкаў”.
У ліпені гэтага года Вялікабрытанію наведвала беларускі дэмакратычны лідар Святлана Ціханоўская, якая прыняла ўдзел у саміце Еўрапейскай палітычнай супольнасці.
Лондан пашырыў санкцыі супраць афіцыйнага Мінска да чацвёртай гадавіны прэзідэнцкіх выбараў 9 жніўня.

- Эканоміка
- ЭканомікаЗа 10 месяцаў 2026 года найбольш падаражэлі ікра ласосевых, USB-назапашвальнікі і запалкі (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Эканоміка
- Грамадства
- Грамадства
- Палітыка, Эканоміка
- Грамадства, Эканоміка
- Грамадства
- Грамадства
- Палітыка
- Грамадства, ПалітыкаУ кастрычніку Літва надала статус уцекача чатыром грамадзянам БеларусіМатэрыял даступны толькі падпісчыкам ПОЗІРК+
- Эканоміка
- ЭканомікаБеларусь лідзіруе ў ЕАЭС паводле росту цэн на прадукцыю горназдабыўной прамысловасці (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства, ПалітыкаЗа 10 месяцаў 2026 года колькасць беларусаў з дазволам на пражыванне ў Літве зменшылася амаль на 3 тыс. (падрабязна)Матэрыял даступны толькі падпісчыкам ПОЗІРК+
- Грамадства, Эканоміка
- Грамадства, ЭканомікаЗ 2019 па 2025 год колькасць работнікаў сельгасарганізацый скарацілася больш як на 18% (падрабязна)Матэрыял даступны толькі падпісчыкам ПОЗІРК+
- Грамадства
- Грамадства

