Лукашэнка прызначыў новага намесніка кіраўніка Дзяржпагранкамітэта

21 жніўня, Позірк. Палкоўнік Андрэй Філатаў прызначаны першым намеснікам старшыні Дзяржаўнага пагранічнага камітэта (ДПК). Да гэтага дня ён займаў пасаду начальніка першага галоўнага ўпраўлення ведамства.

“Генерал-маёр Ігар Буткевіч, які займаў гэтую пасаду (першага намесніка старшыні. — “Позірк”.), звольнены з ваеннай службы ў запас па ўзросце з правам нашэння ваеннай формы адзення і знакаў адрознення”, — паведамляе прэс-служба Лукашэнкі.

Буткевіч займаў сваю пасаду больш за 10 гадоў. У 2013 годзе ён быў прызначаны першым намеснікам старшыні ДПК — начальнікам галоўнага аператыўнага ўпраўлення. У траўні 2014 года з другой пасады ён быў звольнены.