На беларуска-польскай мяжы выяўленыя збітыя мігранты і цяжарная — ДПК
23 жніўня, Позірк. На беларуска-польскай мяжы ў Бераставіцкім раёне (Гродзенская вобласць) выяўленая цяжарная мігрантка і чатыры збітыя замежнікі, паведамляе Дзяржаўны пагранічны камітэт (ДПК).
Паводле сцвярджэння ведамства, яны распавялі, што былі затрыманыя на сумежнай тэрыторыі і жорстка збітыя: “Перад тым як выпхнуць на беларускі бок, польскія вайскоўцы білі іх прыкладамі зброі і дубінкамі, наносілі ўдары па галаве і канечнасцях, запалохвалі службовымі сабакамі. Жанчына, якая была ў групе, яшчэ на польскім баку адчула сябе дрэнна і прасіла аб дапамозе. Паводле слоў бежанкі, яна цяжарная”.
Беларускія памежнікі “аператыўна выклікалі брыгаду медыкаў”. Папярэдне, у замежнікаў дыягнаставаны пералом нагі, моцныя ўдары верхніх і ніжніх канечнасцяў, шматлікія гематомы, прыкметы пнеўманіі, агульнае пераахаладжэнне і знямогу, гаворыцца ў рэлізе.
Трое мужчын і жанчына шпіталізаваныя ў Бераставіцкую цэнтральную раённую бальніцу. На месцы працавала следча-аператыўная група.
“Увядзенне буфернай зоны на мяжы з Беларуссю, забарона на дапамогу ўцекачам і працу СМІ ў памежжы дазваляюць польскім уладам хаваць злачынствы ў дачыненні да замежнікаў”, — сцвярджае ДПК.
З пачатку года “дзеянні польскіх вайскоўцаў на мяжы з Беларуссю прывялі да гібелі чатырох уцекачоў”, заяўляе ведамства.
За 70 дзён працы буфернай зоны на мяжы з Беларуссю колькасць спробаў нелегальнага пранікнення на тэрыторыю Польшчы скарацілася амаль на 70%, паведамляла напярэдадні прэс-служба ўрада гэтай дзяржавы. З 13 чэрвеня гэтага года зафіксавана 4.276 такіх спробаў, а з 5 красавіка да 12 чэрвеня — больш за 13.675, гаворыцца ў паведамленні. З пачатку дзеяння буфернай зоны затрымана 230 кур’ераў, якія незаконна перапраўлялі мігрантаў.
Не менш за 116 нелегальных мігрантаў, у тым ліку 15 жанчын, памерла на мяжы Беларусі з краінамі ЕС за тры гады — з вясны 2021-га па канец сакавіка 2024-га, вынікае з дакладу “Бяспечнага шляху няма. Смерці мігрант_ак на мяжы Еўрапейскага саюза і Беларусі” праваабарончай арганізацыі Human Constanta. Непасрэдна на тэрыторыі Беларусі на канец сакавіка 2024 года памерла не менш 47 чалавек.
Human Constanta адзначае, што з лета 2021 года Польшча, Літва і Латвія ў дачыненні да нелегальных мігрантаў выкарыстоўваюць практыку “выштурхоўвання” назад на беларускую тэрыторыю, што супярэчыць “праву ЕС і міжнароднаму праву”.
Для развязання міграцыйнага крызісу і зніжэння смяротнасці на мяжы праваабаронцы рэкамендуюць краінам ЕС аднавіць адпаведнасць “законаў і пастаноў міжнароднаму праву і канстытуцыям дзяржаў шляхам ліквідацыі выштурхоўванняў з прававых сістэм Польшчы, Літвы і Латвіі”.
Больш за 80 спробаў незаконнага пранікнення з беларускай тэрыторыі спынілі 21 жніўня суседнія краіны Еўрасаюза, сведчыць праведзены “Позіркам” аналіз даных іх пагранічных службаў.
Латвія прадухіліла 36 спробаў, Польшча — “амаль 50” (больш дакладныя звесткі цяпер з’яўляюцца на дзень пазней), на літоўскім кірунку нелегалы не выяўленыя (напярэдадні там быў зафіксаваны рэкорд апошняга месяца — 25 спробаў перасячэння мяжы).
- Грамадства, Эканоміка
Працоўныя пенсіі павышаны на 5%
- Палітыка
Украіна кантралюе сітуацыю на мяжы з Беларуссю — Зяленскі
- ПалітыкаЛукашэнка лічыць, што ў пагаршэнні адносін з Арменіяй віны Беларусі нямаМатэрыял даступны толькі падпісчыкам ПОЗІРК+
- Грамадства
У Мінску іншаземца прыгаварылі да 12 гадоў пазбаўлення волі за замах на забойства
- Эканоміка
У жніўні продажы аўтобусаў МАЗ на рынку РФ знізіліся ў 21 раз
- Грамадства, Палітыка
Беларусь другі раз з пачатку года накіравала гуманітарную дапамогу ў Зімбабвэ
- Грамадства, Палітыка, Эканоміка
Ціханоўская абмеркавала з амбасадарам па асобых даручэннях Латвіі праблему аўто з беларускімі нумарамі
- ЭканомікаУ жніўні продажы "БелДжы" на рынку РФ знізіліся на 7%Матэрыял даступны толькі падпісчыкам ПОЗІРК+
- Эканоміка
Продажы новых грузавікоў МАЗ на рынку Расіі ў жніўні знізіліся на 27%
- Палітыка
Швецыя працягне падтрымліваць беларускія дэмсілы, заяўляе АПК
- Палітыка, Эканоміка
Кіраўнік МЗС звязаў удзел у ініцыятыве "Пояс і шлях" з захаваннем міру ў Беларусі
- Палітыка
Лукашэнка лічыць, што беларусам цяжка зразумець матывы еўрапейскіх эліт
- Эканоміка
Долар і еўра патаннелі на біржавых таргах 12 верасня
- Палітыка
Ваенная акадэмія гатовая пашыраць пералік спецыяльнасцей пад запыты Кітая — Хрэнін
- Грамадства, ПалітыкаЗа траціну верасня Літва спыніла больш спробаў парушэння мяжы з Беларусі, чым за ўвесь жнівеньМатэрыял даступны толькі падпісчыкам ПОЗІРК+
- Грамадства, Палітыка
Лукашэнка сцвярджае, што “не прывык дзяліць людзей паводле нацыянальнасцяў” (дапоўнена)
- Грамадства
На мяжы з Літвой затрымалі дваіх мужчын з беспілотнікамі
- Грамадства, Палітыка
Лукашэнка сцвярджае, што "не прывык дзяліць людзей паводле нацыянальнасцяў"
- ЭканомікаБелстат: За восем месяцаў будаўніча-мантажныя работы падаражэлі на 12%Матэрыял даступны толькі падпісчыкам ПОЗІРК+
- Грамадства
Смяротныя аварыі здарыліся 12 верасня ў Рагачоўскім раёне і Мінску
- Палітыка
Еўрапарламент 18 верасня абмяркуе сітуацыю з беларускімі палітвязнямі
- Грамадства, Палітыка
Сейм Латвіі прыняў папраўкі з забаронай на знаходжанне ў краіне аўто з беларускімі нумарамі
- Палітыка
Праваабаронца Кісляк абскардзіў у грузінскім судзе адмову ў наданні прытулку
- Грамадства
Гарыць лес на тэрыторыі Палескага радыяцыйна-экалагічнага запаведніка
- Палітыка, Эканоміка
Беларусь выкарыстоўвае для перавалкі сваёй прадукцыі 14 расійскіх партоў, аб'ёмы растуць — кіраўнік Мінтранса
- ПалітыкаПраваабаронца Кісляк абскардзіў у грузінскім судзе адмову ў наданні прытулку (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаХроніка палітычных рэпрэсій за 11 верасня 2024 годаМатэрыял даступны толькі падпісчыкам ПОЗІРК+
- Палітыка
Новаствораны "Першы інфармацыйны" канал уключаны ў абавязковы ТБ-пакет
- Палітыка, Эканоміка
"Беларуськалій" пяць гадоў пастаўляў тэхнічную соль у "днр" і "лнр" — расследаванне
- Эканоміка
"Расатам" прапануе на разгляд тры пляцоўкі для захоўвання радыеактыўных адкідаў БелАЭС