Урад надаў ЛДП права арэнды са зніжкай — адзіную з партый
5 верасня, Позірк. Ліберальна-дэмакратычная партыя (ЛДП) і яе арганізацыйныя структуры атрымалі права на паніжальны каэфіцыент (0,1) да базавай стаўкі арэнднай платы за арэнду памяшканняў, якія знаходзяцца ва ўласнасці дзяржавы і гаспадарчых таварыстваў, вынікае з пастановы Савета міністраў № 642 ад 3 верасня.
Дакумент, апублікаваны на Нацыянальным прававым інтэрнэт-партале 5 верасня, уносіць змены ў пастанову ўрада № 726 ад 24 кастрычніка 2023 года, у якой утрымліваецца пералік арганізацый, што маюць аналагічнае права арэнды са зніжкай. Каэфіцыент 0,1 распаўсюджваецца на плошчы, якія арандуюцца Беларускім інавацыйным фондам, “Белкнігай”, “Белсаюздрукам”, шэрагам рэлігійных супольнасцяў; 0,15 — хрысціянскай дабрачыннай арганізацыяй “Табея”; 0,2 — дзяржарганізацыямі, падпарадкаванымі Нацыянальнаму статыстычнаму камітэту.
ЛДП, што папоўніла гэты пералік, — адзіная палітычная партыя, якой дадзена адпаведнае права арэнды са зніжкай.
Ліберальна-дэмакратычная партыя — адна з чатырох палітычных структур, якім рэжым Аляксандра Лукашэнкі дазволіў афіцыйна існаваць у краіне. ЛДП, як і партыя “Белая Русь”, Камуністычная партыя Беларусі і Рэспубліканская партыя працы і справядлівасці, лаяльная дзейным уладам. Лідар ЛДП Алег Гайдукевіч заяўляў, што партыя гатовая апаніраваць “Белай Русі”, але не Лукашэнку.
Гайдукевіч удзельнічаў у прэзідэнцкай кампаніі 2020 года, але зняўся з выбараў на карысць Аляксандра Лукашэнкі. Палітык знаходзіцца пад персанальнымі санкцыямі краін ЕС, Велікабрытаніі, ЗША, Канады, Швейцарыі ды іншых дзяржаў.
11 ліпеня 2021 года Гайдукевіч паведаміў у сацсетках, што ў яго дом кінулі бутэлькі з запальнай сумессю. Ніхто не пацярпеў. 13 ліпеня КДБ заявіў пра ўзбуджэнне крымінальнай справы паводле прыкмет злачынства, прадугледжанага арт. 289 КК (акт тэрарызму).
21 чэрвеня 2023 года Мінскі гарадскі суд (суддзя Сяргей Хрыпач) вынес прыгавор па справе аб падпале дома Гайдукевіча ў дачыненні да 18 чалавек.
Сузаснавальнік беларускага добраахвотніцкага палка “Пагоня”, былы рэстаратар Вадзім Пракоп’еў завочна асуджаны на 25 гадоў зняволення.
Уладзіслаў Вайцяховіч прыгавораны да 21 года пазбаўлення волі, Ігар Чамякін і Сяргей Лісоўскі — да 20, Віталь Вайцяховіч — да 19, Дзяніс Хаміцэвіч і Уладзімір Савянкоў — да 16, Сяргей Сакалоў — да 14, Мікалай Рой — да 12, Дзмітрый Невяркевіч, Анастасія ды Вольга Вайцяховіч — да 11, Вольга Петух — да 10, Пётр Юркевіч, Дзяніс Філончык і Павел Чыхінскі — да 9, Эдуард Пястрак — да 3,5, Аляксей Міхайлаў — да 2 (быў вызвалены ў зале суда з улікам часу, праведзенага ў следчым ізалятары).
У справе фігуравалі крымінальныя артыкулы аб “акце тэрарызму”, падрыхтоўцы да яго здзяйснення, незаконных дзеяннях са зброяй, удзеле ў “экстрэмісцкім фарміраванні” ды інш.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян