Партыя “Белая Русь” адправіла дапамогу жыхарам у Курскай вобласці РФ, “пацярпелым ад украінскай агрэсіі”

8 кастрычніка, Позірк. Праўладная партыя “Белая Русь” сабрала каля 60 т гуманітарнай дапамогі для жыхароў Курскай вобласці Расіі, паведаміў дзяржаўны тэлеканал СТБ са спасылкай на партыйнага лідара, кіраўніка аднайменнага грамадскага аб’яднання і дэпутата Палаты прадстаўнікоў Алега Раманава.
Першую частку — больш за 15 тон грузу, у які ўвайшлі прадукты, медыкаменты, цёплыя рэчы, дзіцячыя і гігіенічныя тавары, а таксама бытавая тэхніка, — адправілі з Мінска 7 кастрычніка. Другая пастаўка чакаецца на гэтым жа тыдні.
Раманаў выказаў упэўненасць, што яго партыя “і ў цэлым грамадзяне Беларусі, беларуская грамадзянская супольнасць зможа аказаць істотную дапамогу братам-расіянам, якія пацярпелі ад украінскай агрэсіі”.
Пра тое, што аперацыя Узброеных сіл Украіны ў прыгранічнай Курскай вобласці РФ, што пачалася 6 жніўня, стала адным з адказаў Кіева на поўнамаштабную вайну, якую Крэмль вядзе супраць украінскага народа з 24 лютага 2022 года, кіраўнік “Белай Русі” не сказаў.
Збор і дастаўку гуманітарнай дапамогі “ў расійскія рэгіёны, якія пацярпелі ад баявых дзеянняў”, Раманаў анансаваў яшчэ напрыканцы жніўня. “Мы кажам як пра Курскую вобласць, так і пра Данбас, Запарожскую і Херсонскую вобласці”, — сказаў ён, прылічыўшы да “расійскіх рэгіёнаў” анексаваныя РФ тэрыторыі Украіны.
Максімальна лаяльная Аляксандру Лукашэнку партыя “Белая Русь” заснаваная ў сакавіку і зарэгістраваная ў траўні 2023 года. Зявілася на базе аднайменнага грамадзкага аб’яднаньня (пры яго захаванні), створанага ў 2007 годзе для дэманстрацыі нібыта шырокай падтрымкі курсу ўладаў.
15 лютага 2024 года “Белая Русь” і расійская партыя ўлады “Адзіная Расія” падпісалі пагадненне “аб узаемадзеянні і супрацы”.
- Палітыка
- ПалітыкаФрыдман: Лукашэнка памыляецца, недаацэньваючы ЕўропуМатэрыял даступны толькі падпісчыкам ПОЗІРК+
- Палітыка
- Палітыка, Эканоміка
- Грамадства, Палітыка
- Эканоміка
- Грамадства
- ЭканомікаПратэрмінаваная запазычанасць прадпрыемстваў за год вырасла на 1,6 млрд рублёў — даныя БелстатаМатэрыял даступны толькі падпісчыкам ПОЗІРК+
- Грамадства, Палітыка
- ГрамадстваУ заключны дзень анамальна цёплага надвор'я тэмпературныя рэкорды зафіксаваныя больш чым на 30 метэастанцыях (падрабязна)Матэрыял даступны толькі падпісчыкам ПОЗІРК+
- Эканоміка
- Грамадства, Палітыка
- Эканоміка
- Грамадства
- Палітыка
- Грамадства
- Грамадства, Эканоміка
- Палітыка, Эканоміка
- Грамадства
- Выбары, ПалітыкаЛукашэнка звязаў сваё "перавыбранне" з падтрымкай беларусамі "ўсходняга вектара"Матэрыял даступны толькі падпісчыкам ПОЗІРК+
- Палітыка, ЭканомікаПуцін лічыць, што супрацоўніцтва з Мінскам у эканоміцы развіваецца "найлепшым чынам"Матэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Эканоміка
- Грамадства
- Грамадства, Палітыка
- ЭканомікаАдмоўнае сальда знешняга гандлю прамежкавымі таварамі за год павялічылася ў 1,6 разаМатэрыял даступны толькі падпісчыкам ПОЗІРК+
- Грамадства, Палітыка
- Палітыка, Эканоміка
- Палітыка, Эканоміка