Мінфін павысіў цэны на скупку ў грамадзян золата і срэбра, кошт плаціны знізіўся

11 кастрычніка, Позірк. Цэны на каштоўныя металы ў вырабах і ломе, якія скупляюцца ў фізічных асоб, выраслі 10 кастрычніка. Адпаведнае рашэнне замацавана пастановай Міністэрства фінансаў № 50 ад 4 кастрычніка, на якое спасылаецца Нацыянальны прававы інтэрнэт-партал.

Цана на золата ў такім выглядзе вырасла на 10,1%: 375-й пробы — да 93,43 рубля за 1 грам (да гэтага — 84,87), 500-й — да 124,57 (113,17), 583-й і 585-й — да 145,75 (132,4), 750-й — да 186,86 (169,75), 900-й — да 224,23 (203,7), 916-й — да 228,21 (207,32), 950-й — да 236,68 (215,01), 958-й — да 238,68 (216,82).

Цана вырабаў і лому з плаціны 950-й пробы знізілася на 5% і склала 89,42 рубля за 1 г (94,1).

Цана на срэбра вырасла: 750-й пробы — да 2,24 за 1 г (2,15; +4,2%), 800-й — 2,38 (2,3; +3,5%), 875-й — 2,61 (2,51; 4%), 916-й — 2,73 (2,63; +3,8%), 925-й — 2,76 (2,65; +4,2%), 960-й — 2,86 (2,76; +3,6%).

Папярэдні раз Мінфін павялічваў кошт на каштоўныя металы ў такім выглядзе ў чэрвені.