Абвешчаны адбор беларусаў для стажыровак у Савеце Еўропы

23 кастрычніка, Позірк. Кантактная група Савета Еўропы (СЕ) па супрацоўніцтве з беларускімі дэмакратычнымі сіламі і грамадзянскай супольнасцю абвясціла аб адборы кандыдатаў з ліку беларускіх грамадзян для прафесійных стажыровак у СЕ.
Каб удзельнічаць у адборы, неабходна запоўніць спецыяльную гугл-форму.
Усяго стажыровак чатыры, працягласць кожнай — шэсць месяцаў.
Мяркуецца, што беларусы будуць стажыравацца ў розных структурах СЕ ў Страсбургу (Францыя): у генеральным дырэктараце па правах чалавека і вяршэнстве закона (DGI); генеральным дырэктараце дэмакратыі і чалавечай годнасці (DGII); сакратарыяце Парламенцкай асамблеі Савета Еўропы (ПАСЕ); сакратарыяце Кангрэса мясцовых і рэгіянальных уладаў.
Сярод патрабаванняў да кандыдатаў — вышэйшая адукацыя, пераважна ў галіне права, паліталогіі, сацыяльных навук, журналістыкі, адукацыі, моладзевай працы, міжнародных адносін або іншых сумежных галінах, а таксама добрае валоданне адной з афіцыйных моў Савета Еўропы (англійскай або французскай).
Рашэнне аб стварэнні кантактнай групы СЕ па Беларусі было прынятае ў верасні 2022 года. Першае пасяджэнне адбылося ў лістападзе таго ж года. З беларускага боку ў групу ўвайшлі прадстаўнікі дэмакратычных сіл і грамадзянскай супольнасці.
Ад Савета Еўропы ў групе ўдзельнічаюць прадстаўнікі ўсіх палітычных структур, у тым ліку ПАСЕ і Офісу камісара па правах чалавека.
У кастрычніку мінулага года Савет Еўропы прадаставіў дэмсілам асобны офіс у сваім будынку ў Страсбургу.
Праект новага двухгадовага плана работы групы быў падрыхтаваны ў снежні мінулага года.
Дэмакратычны лідар Святлана Ціханоўская заклікала мясцовыя ўлады Еўропы надаваць больш увагі Беларусі, выступаючы 27 сакавіка на Кангрэсе рэгіянальных і мясцовых уладаў у Страсбургу. Яна адзначыла, што трэба “ўключаць беларусаў у працу Савета Еўропы і Кангрэса мясцовых уладаў”.

- ПалітыкаПраваабаронца Кісляк просіць генпракурора Грузіі пачаць следства па факце затрымання грамадзяніна Беларусі ў Дэпартаменце міграцыі МУС (падрабязна)Матэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка, Эканоміка
- Грамадства
- Грамадства
- ПалітыкаЦіханоўская абмеркавала вызваленне палітвязняў і падтрымку Украіны з прэзідэнтам ПА НАТОМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- ПалітыкаЕўракамісар Кос анансавала новы пакет дапамогі для незалежных СМІ і праваабаронцаўМатэрыял даступны толькі падпісчыкам ПОЗІРК+
- Палітыка
- ЭканомікаУ першым паўгоддзі ў абароненым грунце было вырашчана на 4% менш таматаў, чым годам ранейМатэрыял даступны толькі падпісчыкам ПОЗІРК+
- Эканоміка
- Палітыка
- ЭканомікаУ першым паўгоддзі сельгасвытворчасць у Беларусі знізілася на 2,7%, год таму быў рост на 10,2%Матэрыял даступны толькі падпісчыкам ПОЗІРК+
- Грамадства
- Эканоміка
- ЭканомікаДаўгі прадпрыемстваў за год выраслі амаль на траціну — даныя Белстата (падрабязна)Матэрыял даступны толькі падпісчыкам ПОЗІРК+
- Эканоміка