Выдаткі на першы тур выбараў-2025 на 1 млн долараў большыя, чым у 2020 годзе
24 кастрычніка, Позірк. На першы тур прэзідэнцкіх выбараў у 2025 годзе закладзеныя выдаткі, якія больш чым на 1 млн долараў перавышаюць суму для электаральнай кампаніі 2020-га, вынікае з даных Цэнтральнай выбарчай камісіі.
Удзельнікі пасяджэння Цэнтрвыбаркама 24 кастрычніка аднагалосна зацвердзілі каштарыс выдаткаў на два туры галасавання — 52 млн 885 тыс. рублёў.
З гэтай сумы на першы тур адведзена 37 млн 398 тыс. 798 рублёў, ці 11 млн 356 тыс. 370 долараў, паводле падлікаў ЦВК. На выбарах 2020 года, якія прайшлі ў адзін тур, гэтая сума склала 10 млн 233 тыс. долараў. Такім чынам, розніца — 1 млн 123 тыс. долараў.
Прадстаўнік Цэнтрвыбаркама назвала гэтую розніцу неістотнай і патлумачыла “ростам спажывецкіх цэн, заробка ў параўнанні з 2020 годам”.
Удзельнікі пасяджэння ЦВК аднагалосна прынялі пастанову аб пазабюджэтным фондзе выбарчай кампаніі. Паводле інфармацыі ведамства, для яго фармавання ўжо адкрыты спецыяльны рахунак, права на размеркаванне сродкаў фонду належыць ЦВК. Сродкі могуць быць выкарыстаныя на выраб дадатковага накладу інфармацыйных матэрыялаў кандыдатаў у прэзідэнты, плакатаў ды інш.
Таксама аднагалосна была прынятая пастанова аб выбарчым фондзе асобы, якая вылучаецца кандыдатам у прэзідэнты, і кандыдата ў прэзідэнты.
Гэтыя асобы маюць права адкрыць фонд, крыніцай фінансавання якога могуць быць уласныя грашовыя сродкі (не больш за 10.000 базавых велічынь — 400 тыс. рублёў), дабрачынныя ўнёскі фізічных асоб (не больш за 30 б.в. ад аднаго чалавека — 1.200 рублёў) і юрыдычных асоб (60 б.в — 2.400 рублёў).
Выбары прэзідэнта на 26 студзеня 2025 года прызначыла Палата прадстаўнікоў 23 кастрычніка. У той жа дзень Аляксандр Лукашэнка паведаміў, што возьме ў іх удзел.
Дэмсілы ў сумеснай заяве, прымеркаванай да прызначэння даты прэзідэнцкіх выбараў, заклікалі галасаваць на іх “супраць усіх”. Адзначаецца, што галасаванне “супраць усіх” пакажа, што “беларускае грамадства па-ранейшаму супраць Лукашэнкі і патрабуе свабодных і сумленных выбараў”.
З 1996 года ніводная выбарчая кампанія ў Беларусі не была прызнаная незалежнымі назіральнікамі транспарэнтнай і адпаведнай дэмакратычным стандартам.
- Палітыка
- Палітыка
- Эканоміка
- Палітыка
- Грамадства, Палітыка
- Палітыка
- ЭканомікаБеларусь застаецца на перадапошнім месцы ў ЕАЭС па пакрыцці знешняга доўгу міжнароднымі рэзерваміМатэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Грамадства
- Палітыка
- Палітыка
- Палітыка
- Эканоміка
- Эканоміка
- Грамадства, ЭканомікаУ верасні намінальны сярэдні заробак знізіўся на 1,2% (падрябязна)Матэрыял даступны толькі падпісчыкам ПОЗІРК+
- Палітыка
- Грамадства, Эканоміка
- Палітыка
- Грамадства, ЭканомікаУ Беларусі ўзровень беспрацоўя ў трэцім квартале 2024 года нязначна знізіўся — БелстатМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- Грамадства, Палітыка
- Палітыка, Эканоміка
- Палітыка
- Грамадства, Палітыка
- ПалітыкаХроніка палітычных рэпрэсій за 23 кастрычніка 2024 годаМатэрыял даступны толькі падпісчыкам ПОЗІРК+
- Палітыка
- Палітыка
- Палітыка