Кіраўнік Кампартыі падаў дакументы для ўдзелу ў выбарах

31 кастрычніка, Позірк. У Цэнтральную выбарчую камісію 31 кастрычніка прадстаўлены дакументы на рэгістрацыю ініцыятыўнай групы грамадзян па зборы подпісаў выбаршчыкаў у падтрымку вылучэння Сяргея Сыранкова кандыдатам у прэзідэнты, паведамляе прэс-служба ЦВК.

Сыранкоў — першы сакратар ЦК Камуністычнай партыі Беларусі. Быў абраны ім у маі гэтага года. Да гэтага быў другім сакратаром ЦК КПБ.

ЦВК на сёння зарэгістраваў ініцыятыўныя групы чатырох прэтэндэнтаў у прэзідэнты: Аляксандра Лукашэнку, старшыню праўладнай Ліберальна-дэмакратычнай партыі, дэпутата Палаты прадстаўнікоў Алега Гайдукевіча, кіраўніка праўладнай Рэспубліканскай партыі працы і справядлівасці Аляксандра Хіжняка, начальніка галоўнага ўпраўлення ідэалагічнай працы і па справах моладзі.

Акрамя іх, дакументы ў ЦВК падала экс-кандыдат у прэзідэнты на выбарах 2020 года Ганна Канапацкая, а таксама адстаўны генерал, кіраўнік праўладнага Беларускага саюза афіцэраў Сяргей Бобрыкаў і прадпрымальніца Дзіяна Кавалёва.

Іх дакументы будуць разгледжаны на наступным пасяджэнні ЦВК — 4 лістапада.

Прэзідэнцкія выбары прызначаны на 26 студзеня 2025 года. Тэрмін рэгістрацыі ініцыятыўных груп заканчваецца 1 лістапада. Збор подпісаў пачынаецца 7 лістапада.