Лукашэнка і Крэмль руйнуюць беларускую ідэнтычнасць, перапісваючы гісторыю пад расійскія стандарты — Ціханоўская

18 лістапада, Позірк. Крэмль і рэжым Аляксандра Лукашэнкі “планамерна руйнуюць беларускую нацыянальную ідэнтычнасць, перапісваючы гісторыю і замяняючы яе расійскім наратывам”, заявіла дэмакратычны лідар Святлана Ціханоўская, выступаючы 18 лістапада ў Тартускім універсітэце (Эстонія).

У эстонскай ВНУ палітык выступіла з лекцыяй і ўзяла ўдзел у семінары, паведамляе яе прэс-служба.

Паводле слоў Ціханоўскай, “цэлыя тэмы”, “гістарычныя перыяды” Беларусі, а таксама “нацыянальныя героі” сталі “ахвярамі цэнзуры, рэпрэсій і русіфікацыі”.

“Рэжым Лукашэнкі выкарыстоўвае нашу гісторыю ў якасці зброі. Яны імкнуцца сцерці нашу ідэнтычнасць, ператварыўшы маладых беларусаў у паслухмяных паслядоўнікаў імперскага наратыву. Нашы героі, мова, сімвалы і гонар знаходзяцца пад ударам”, — падкрэсліла дэмлідар.

Яна выказала ўпэўненасць у тым, што ў Эстоніі “глыбока разумеюць гэта, перажыўшы аналагічныя спробы здушыць сваю гісторыю падчас акупацыі”. Ціханоўская адзначыла, што беларусы “супраціўляюцца русіфікацыі і скажэнню гісторыі” і з’яўляюцца народам, які “не дазваляе сцерці праўду”.

“Быць гісторыкам у наш час, раскрываючы праўду пра наша мінулае, патрабуе неверагоднай мужнасці. Я хачу выказаць глыбокую падзяку ўсім гісторыкам, якія захоўваюць нашу гісторыю жывой”, — сказала Ціханоўская.

На яе думку, аднойчы “беларуская гісторыя вызваліцца ад палітычных маніпуляцый і будзе вернутая народу”, усе яе імёны і падзеі, “цяпер рэпрэсаваныя, будуць рэабілітаваныя”, “праўда будзе адноўленая ў сваіх правах”.

Падрабязнасці даступныя падпісчыкам “Позірк+”