Будаўніцтва жылля з дзяржпадтрымкай скарацілася на 20% у гадавым вымярэнні

18 лістапада, Позірк. У студзені — кастрычніку 2024 года ў Беларусі было ўведзена ў эксплуатацыю 2 млн 980,1 тыс. квадратных метраў жылля — на 0,2% больш, чым за аналагічны перыяд 2023 года (2 млн 974,1 тыс.). , сведчаць даныя Нацыянальнага статыстычнага камітэта.

З дзяржпадтрымкай пабудавана 631,6 тыс. кв. м (791,7 тыс.; -20,2%).

Па выніках студзеня — верасня ў Еўразійскім эканамічным саюзе ў эксплуатацыю ўведзена на 2,6% больш жылля, чым за тры кварталы 2023 года: у Арменіі — у 1,7 раза, Кыргызстане — на 8,3%, Казахстане — на 6,2%, Беларусі — на 2,5%, Расіі — на 1,8%.

Паводле даных Белстата, у 2023 годзе ў эксплуатацыю было ўведзена 4 млн 193,7 тыс. кв. м агульнай плошчы жылля.

Еўразійская эканамічная камісія паведамляла, што ў 2023 годзе Беларусь заняла 4-е месца сярод пяці членаў ЕАЭС ва ўводзе жылля ў эксплуатацыю.