2 снежня, Позірк. Аляксандр Лукашэнка 2 снежня прызначыў міністрам культуры акцёра Руслана Чарнецкага, міністра па падатках і зборах Сяргея Налівайку сваім памочнікам — інспектарам па Магілёўскай вобласці, паведамляе яго прэс-служба.
Чарнецкі нарадзіўся ў 1981 годзе ў Мінску. Скончыў тэатральны факультэт Беларускай дзяржаўнай акадэміі мастацтваў па спецыяльнасці “Акцёрскае майстэрства драматычнага тэатра і кіно”.
Дзеючы дэпутат Палаты прадстаўнікоў нацыянальнага збору, кіроўны майстар сцэны Нацыянальнага акадэмічнага драматычнага тэатра імя Горкага.
Папярэдні кіраўнік ведамства Анатоль Маркевіч, які не меў да гэтага дачынення да сферы культуры, быў прызначаны на пасаду 19 лістапада 2020 года.
Налівайка нарадзіўся ў 1973 годзе ў Бабруйску (Магілёўская вобласць). Скончыў Беларускі дзяржаўны эканамічны ўніверсітэт і Акадэмію кіравання. На пасаду міністра быў прызначаны 27 снежня 2014 года.
Таксама Лукашэнка сёння прызначыў Станіслава Чапурнага амбасадарам Беларусі ў Туркменістане. Дыпламат у 2014-2021 гадах працаваў паслом у Манголіі.
Папярэдні кіраўнік дыпмісіі — Вячаслаў Бяскосты быў прызначаны кіраўніком беларускай дыпмісіі ў Ашхабадзе 12 верасня 2019 года.
