КДБ прызнаў “экстрэмісцкім фарміраваннем” супольнасць “Дух Руси”

10 снежня, Позірк. Камітэт дзяржаўнай бяспекі 4 снежня прызнаў “экстрэмісцкім фарміраваннем” супольнасць “Дух Руси”, у адпаведны пералік на сайце МУС унесеныя змены 10 снежня.

У сувязі з фарміраваннем згадваецца тэлеграм-канал “Дух Руси” (15 падпісчыкаў), тэлеграм-чат HAPPY EXTREMIST (5 удзельнікаў) і закрыты тэлеграм-чат “Карательный батальон” (12).

Змест сацсетак супольнасці нясе ксенафобскі антысеміцкі пасыл, дэманструецца нацысцкая сімволіка.

Ведамства адзначае, што да “экстрэмісцкага фарміравання” маюць дачыненне Вячаслаў Бандарчук, Уладзіслаў Варонін, Арцём Аліфяровіч, Артур Катовіч, Юрый Кандраценка і Руслан Назарчук.