Сельгасвытворчасць за 11 месяцаў вырасла на 3,3% у гадавым вымярэнні

17 снежня, Позірк. Вытворчасць прадукцыі ў гаспадарках усіх катэгорый (сельгасарганізацый, фермерскіх, насельніцтва) у студзені — лістападзе 2024 года ў наяўных цэнах склала 34,3 млрд рублёў — у супастаўных цэнах на 3,3% больш, чым за аналагічны перыяд 2023-га, паведамляе Нацыянальны статыстычны камітэт.

У студзені быў зафіксаваны рост на 4,3%, студзені — лютым — на 6,9%, студзені — сакавіку — на 6,8%, студзені — красавіку — на 6,9%, студзені — траўні — на 8,1%, студзені — чэрвені — на 10,2%, студзені — ліпені — на 18,1%, студзені — жніўні — на 7,1%, студзені — верасні — на 5,1%, студзені — кастрычніку — на 3,2%.

У 2023 годзе, паводле даных Белстата, сельгасвытворчасць у наяўных цэнах склала 33,1 млрд рублёў, што ў супастаўных цэнах на 1,1% больш, чым за 2022 год.