Больш за 30 чалавек загінула ад агню ў Беларусі з пачатку года

8 студзеня, Позірк. За мінулыя дзяжурныя суткі (з 6:00 7 студзеня да 6:00 8 студзеня) памерла чатыры чалавекі — пацярпелыя ад агню, вынікае з аператыўнай зводкі Міністэрства па надзвычайных сітуацыях.

Два чалавекі загінула ў выніку пажару ў жылым доме ў вёсцы Уцёс (Баранавіцкі раён Брэсцкай вобласці).

У Віцебску агонь забраў жыццё аднаго чалавека. У Гомельскай вобласці адзін чалавек памёр у медустанове — ад траўмаў, атрыманых 31 снежня 2024 года ў Хойніцкім раёне..

З пачатку 2025 года ад агню загінуў 31 чалавек — на 24% больш, чым за аналагічны перыяд 2024-га (25), траўмавана 22 (+69,2%; 13).

Летась агонь забраў жыцці 562 чалавек — на 7,3% больш, чым у 2023-м (524);