Улады абвінавацілі “Гугл” у “інфармацыйных правакацыях супраць прэзідэнцкіх выбараў”
![](https://pozirk.online/wp-content/uploads/2024/06/markov-ont.by-1128.jpg)
27 студзеня, Позірк. Беларусь накіравала карпарацыі “Гугл” “ліст з прэтэнзіяй аб умяшанні ў выбары”, заявіў міністр інфармацыі Марат Маркаў прапагандысту расійскага тэлеканала Russia Today Канстанціну Прыдыбайлу.
Паводле слоў чыноўніка, прэтэнзіі тычацца “саўдзелу кампаніі “Гугл” у інфармацыйных правакацыях супраць Беларусі і прэзідэнцкіх выбараў у краіне”.
З дапамогай ліста, удакладніў Маркаў, улады хочуць “звярнуць увагу на тое, што ідзе зусім канкрэтнае парушэнне заканадаўства”, бо ў згаданых “правакацыях” удзельнічаюць “фарміраванні, якія судом прызнаныя ў Рэспубліцы Беларусь экстрэмісцкімі”.
“Узаемадзеянне “Гугла” з падобнымі роду злачыннымі арганізацыямі прымушае, па-першае, задумацца, а па-другое, вельмі моцна адбіваецца на рэпутацыі самога “Гугла”, — сцвярджае чыноўнік. — Хацелася б, каб яны прынамсі гэта зразумелі для пачатку, а потым прынялі адпаведныя рашэнні”.
Маркаў таксама заявіў аб неабходнасці стварэння ў Беларусі аналага Раскамнагляду. “Заканадаўча трэба гэтыя рэчы дапрацаваць да канца, паколькі так ці інакш мы павінны мець інструменты, якія будуць наўпрост уздзейнічаць, як у Расіі, ёсць такая магчымасць, праз Раскамнагляд”, — сказаў кіраўнік Мінінфарма.
“У Беларусі няма адпаведнай арганізацыі, умоўнага Белкамнагляду, але тое, што яго стварэнне даўно наспела, я ў гэтым не сумняваюся”, — дадаў ён.
Пра якія правакацыі гаворка, і якім чынам “Гугл” у іх “саўдзельнічаў”, Маркаў у каментары не ўдакладніў.
Федэральная служба па наглядзе ў сферы сувязі, інфармацыйных тэхналогій і масавых камунікацый (Роскамнагляд) — расійскі федэральны орган выканаўчай улады, які займаецца рэгуляваннем сувязі, інфармацыйных тэхналогій і СМІ. Ён таксама рэгулюе абарону персанальных даных і працу радыёчастотнай службы.
Служба падведамасная Міністэрству лічбавага развіцця, сувязі і масавых камунікацый Расіі. Створаная ў снежні 2008 года ўказам прэзідэнта Дзмітрыя Мядзведзева.
З 2022 года, як “дэзінфармацыйная арганізацыя”, знаходзіцца пад санкцыямі ЕС.
28 лістапада мінулага года ў офісе беларускага дэмакратычнага лідара Святланы Ціханоўскай заявілі, што “першыя радкі ў “Гугле” набытыя рэжымамй, і калі ўвесці ў радок пошуку “выбары ў Беларусі”, то знайсці публікацыі незалежных СМІ пра выбары не атрымаецца — згодна з выкарыстанымі ў роліку скрыншотамі, будуць трапляцца толькі матэрыялы ЦВК, Нацыянальнага прававога інтэрнэт-партала і дзяржСМІ (паводле інфармацыі “Позірку”, калі ўвайсці праз VPN з беларускім адрасам, сярод першых радкоў у выніках пошуку трапляюцца і старонкі незалежных, у тым ліку замежных, СМІ, частка якіх на тэрыторыі Беларусі заблакаваная).
За Лукашэнку на “выбарах прэзідэнта Рэспублікі Беларусь” прагаласавала 86,82% выбаршчыкаў, заявіў старшыня Цэнтрвыбаркама Ігар Карпенка на прэс-канферэнцыі ноччу 27 студзеня. Паводле яго слоў, за Сяргея Сыранкова (Камуністычная партыя Беларусі) аддадзена 3,21% галасоў, Алега Гайдукевіча (Ліберальна-дэмакратычная партыя Беларусі) — 2,02%, Ганну Канапацкую (былы член Аб’яднанай грамадзянскай партыі, дэпутат Палаты прадстаўнікоў у 2016–2019 гадах, удзельніца выбарчай кампаніі 2020 года) — 1,86%, Аляксандра Хіжняка (Рэспубліканская партыя працы і справядлівасці) — 1,74%.
Дэмакратычныя краіны адмовіліся прызнаваць сёмыя выбары прэзідэнта Беларусі, якія прайшлі 26 студзеня.
- ПалітыкаЛатушка: Асобы, якія планавалі замах на мяне, маглі адначасова займацца ў Польшчы шпіянажамМатэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 12–13 лютага 2025 годаМатэрыял даступны толькі падпісчыкам ПОЗІРК+
- ГрамадстваЗа 60 гадоў працы Палац шлюбаў зарэгістраваў больш за 220 тыс. шлюбаў з замежнымі грамадзянаміМатэрыял даступны толькі падпісчыкам ПОЗІРК+
- Грамадства
- Палітыка
- Палітыка, Эканоміка
- Палітыка
- Грамадства
- ГрамадстваАйчынныя спецыялісты працуюць над укараненнем скрынінга на СМА — прадстаўнік Мінздароўя (падрабязна)Матэрыял даступны толькі падпісчыкам ПОЗІРК+
- ЭканомікаЗа год плануецца пабудаваць 4,5 млн квадратных метраў жылля — на 2,3% больш, чым у 2024-мМатэрыял даступны толькі падпісчыкам ПОЗІРК+
- Грамадства
- Палітыка
- ГрамадстваУ Беларусі выдадзена больш за 27 тыс. генетычных пашпартоў — НАНМатэрыял даступны толькі падпісчыкам ПОЗІРК+
- Эканоміка
- ГрамадстваДоля выдаткаў на адукацыю пры датэрміновым выкарыстанні сямейнага капіталу вырасла з 6% да 13%Матэрыял даступны толькі падпісчыкам ПОЗІРК+
- Палітыка
- Грамадства
- Эканоміка
- ЭканомікаАдмоўнае сальда знешняга гандлю спажывецкімі таварамі за год павялічылася ўтрая (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- ГрамадстваБольшасць выбірае шлюбную цырымонію на беларускай мове — прадстаўнік Мінюста (падрабязна)Матэрыял даступны толькі падпісчыкам ПОЗІРК+
- Эканоміка
- ГрамадстваКолькасць лекаваных у Беларусі замежнікаў за мінулы год вырасла амаль на 20%Матэрыял даступны толькі падпісчыкам ПОЗІРК+
- Палітыка
- Грамадства
- Палітыка
- Палітыка
- Палітыка, Эканоміка
- Грамадства