5 лютага, Позірк. З 10 лютага 2025 года праца консульскай службы амбасады Беларусі ў Японіі будзе прыпыненая, паведамляе Міністэрства замежных спраў.
Прыпыняецца прыём беларускіх і замежных грамадзян па консульскіх пытаннях. Інфармацыя аб аднаўленні работы консульскай службы пасольства будзе апублікаваная дадаткова, гаворыцца ў прэс-рэлізе.
“Грамадзяне могуць звярнуцца па консульскую дапамогу ў любую найбліжэйшую замежную ўстанову Рэспублікі Беларусь (просьба спасылацца на дадзенае апавяшчэнне)“, — адзначаецца ў паведамленні.
Для наведвання Беларусі грамадзянам Японіі неабходная віза, як і беларусам для паездак у гэтую краіну.
У траўні 2024 года “па тэхнічных прычынах“ прыпыняла працу консульская служба беларускай амбасады ў Эстоніі.
10 студзеня 2025 года Мінскі гарадскі суд пачаў разглядаць справу грамадзяніна Японіі Наканісі Масатосі, які абвінавачваецца паводле арт. 3581 Крымінальнага кодэкса (агентурная дзейнасць). Пра яго затрыманне стала вядома 4 верасня 2024 года.
3 снежня “Супольнасць чыгуначнікаў Беларусі”, якая дзейнічае ў падполлі, паведаміла пра затрыманне другога грамадзяніна Японіі, які, як і яго суайчыннік, абвінавачваўся ў здымцы аб’ектаў чыгуначнай інфраструктуры. Японская амбасада пацвердзіла затрыманне.
Аўтарызавацца
Забыліся пароль?
Выхад з профілю
