“Вясна”: Для жанчын-палітзняволеных ствараюцца невыносныя ўмовы
9 сакавіка, Позірк. “Беларускі рэжым не толькі не выконвае міжнародныя стандарты і нормы [абыходжання са зняволенымі], але і робіць усё магчымае, каб прынізіць годнасць жанчын праз розныя віды жорсткага абыходжання і катаванні”, — гаворыцца ў аглядзе праваабарончага цэнтра “Вясна”, прысвечаным становічшчу жанчын-палітзняволеных.
Дакумент утрымлівае сведчанні былых палітычных зняволеных.
“Ва ўсіх месцах зняволення — пачынаючы ад ізалятараў часовага ўтрымання і сканчваючы камерамі ШІЗА ў калоніях — ствараюцца невыносныя ўмовы”, — прыйшлі да высновы аўтары.
Гэта, адзначаюць яны, падрывае як фізічнае, так і ментальнае здароўе жанчын, на аднаўленне якога можа спатрэбіцца працяглы час.
“Шмат жанчын сведчылі пра жорсткае абыходжанне, здзекі, абразы і пагрозы ў свой адрас, у тым ліку сэксуальным дамаганнем і гвалтам, з якімі сутыкаліся ад самога моманту затрымання”, — сказана ў аглядзе.
Гэта азначае, што жанчын “наўпрост пазбавілі сродкаў <…> гігіены, яны вымушаныя спаць на халоднай падлозе, але пры гэтым іх двойчы за ноч вымушаюць паднімацца і называць сваё імя і прозвішча”.
Яшчэ адзін з відаў прыніжэння для жанчын — “голы” дагляд, які ўключае ў сябе “частковае або поўнае зняцце адзення для візуальнага агляду ўсіх частак цела, пры гэтым ад зняволеных могуць патрабаваць адкрыць рот, нахіліцца, папрысядаць і пакашляць”, фіксуюць аўтары: “Такія дагляды нясуць у сабе высокую рызыку для ўзнікнення сітуацый гвалту, жорсткага абыходжання і нават катаванняў, а таксама могуць зрабіцца асновай для прымусаў, дамаганняў, дыскрымінацыі”.
Паводле даных “Вясны” на 1 сакавіка, у Беларусі было 154 палітзняволеныя жанчыны. За перыяд 2020—2024 гг. сумарна — 1.562.
На 9 сакавіка палітзняволенымі прызнана 1.219 чалавек.
Падрабязнасці даступныя падпісчыкам “Позірк+”
Жанчыны ў няволі пакутуюць не толькі праз палітычны пераслед, але і проста праз тое, што яны жанчыны — "Вясна"
8 сакавіка, Позірк. Становішча жанчын у зняволенні значна пагоршылася ў Беларусі пасля 2020 года. Палітычна матываваныя затрыманні прывялі да таго, што жанчыны сутыкаюцца з нечалавечымі ўмовамі ўтрымання падчас як адміністратыўнага арышту, так і доўгатэрміновага зняволення пад варту або адбыцця пакарання …