Лукашэнку звольніў кіраўніка Акадэміі МУС

12 сакавіка, Позірк. Аляксандр Васільеў вызвалены ад пасады начальніка Акадэміі Міністэрства ўнутраных спраў. Адпаведны ўказ падпісаў 12 сакавіка Аляксандра Лукашэнка, паведамляе яго прэс-служба.

Васільеў залічаны ў распараджэнне міністра ўнутраных спраў, гаворыцца ў паведамленні.

Васільеў нарадзіўся ў 1975 годзе, Акадэмію МУС узначаліў у 2021-м, да гэтага займаў пасаду начальніка ўпраўлення ўнутраных спраў Гомельскага аблвыканкама.

Скончыў Магілёўскую школу міліцыі, Акадэмію МУС, курсы ў Акадэміі кіравання пры прэзідэнце. Працаваў у якасці аператыўнага супрацоўніка крымінальнага вышуку, старшага оперупаўнаважанага па асабліва важных справах.

Акадэмія рыхтуе кадры для сістэмы МУС. У навучальнай установе функцыянуюць факультэты крымінальнай міліцыі, міліцыі грамадскай бяспекі, следча-экспертны, углоўна-выканаўчы факультэты, а таксама Інстытут псіхалогіі службовай дзейнасці Маскоўскага універсітэта МУС ім. Кікоця.

Таксама ў Акадэміі МУС ёсць аддзяленне завочнага навучання факультэта павышэння кваліфікацыі.

Паводле інфармацыі на сайце ўстановы, у 2025 годзе за сродкі бюджэту ў Акадэмію МУС плануюць набраць на навучанне каля 500 чалавек.

Усе курсанты забяспечваюцца бясплатным пражываннем і трохразовым харчаваннем. На першым і другім курсах пражыванне ў інтэрнаце абавязковае.