Рэальныя наяўныя грашовыя даходы насельніцтва ў студзені выраслі на 13,8% — Белстат
17 сакавіка, Позірк. Рэальныя грашовыя даходы насельніцтва Беларусі ў студзені 2025 года выраслі на 13,8% да ўзроўню студзеня 2024-га, паведамляе Нацыянальны статыстычны камітэт.
Раней “Позірк” паведамляў, што намінальны налічаны сярэдні заробак работнікаў Беларусі ў студзені 2025 года склаў 2.427,4 рубля — на 266,5 менш (-9,89%), чым у снежні 2024-га (2.693,9).
Згодна з зацверджанымі Аляксандрам Лукашэнкам важнейшымі эканамічнымі прагнознымі (дэ-факта — планавымі) параметрамі на 2025 год, рэальныя наяўныя грашовыя даходы насельніцтва павінны вырасці на 4%.