У 2024 годзе ў Беларусі выяўлена больш за паўмільёна выпадкаў дэпрэсіі
24 сакавіка, Позірк. Беларусь па выніках 2024 года займае 8-е месца ў свеце па “ўстанаўленні псіхічных разладаў”, кожны чацвёрты жыхар краіны “пакутуе трывожна-дэпрэсіўным разладам або разладам адаптацыі”, паведаміла на прэс-канферэнцыі ў Мінску 24 сакавіка спецыяліст псіхалагічнага аддзялення ДУ “Рэспубліканскі навукова-практычны цэнтр псіхічнага здароўя” Святлана Далжэнка.
За год у Беларусі “выяўлена каля 510 тыс. выпадкаў дэпрэсіі, што складае каля 5,6% насельніцтва”, адзначыла псіхолаг. Пры гэтым, паводле яе слоў, многія беларусы “не звяртаюцца своечасова па спецыялізаваную дапамогу, альбо знаходзяцца ў працяглым, хваравітым стане, што можа прыводзіць да розных зыходаў”. Даўжэнка паведаміла, што колькасць зваротаў па псіхалагічную дапамогу ўзрасла, але дакладныя звесткі не прывяла.
Найбольш уразлівымі групамі з’яўляюцца падлеткі і пажылыя людзі, часцей за ўсё па псіхалагічную дапамогу звяртаюцца людзі старэйшыя за 30 гадоў, сказала прадстаўніца РНПЦ.
