Пратэрмінаваная запазычанасць юрыдычных асоб па крэдытах вырасла за год у 3,5 раза
30 сакавіка, Позірк. Запазычанасць па рублёвых і валютных крэдытах, выдадзеных банкамі юрыдычным асобам, на 1 сакавіка 2025 года склала 59 млрд 743 млн рублёў, сведчаць даныя Нацыянальнага банка.
Праведзены “Позіркам“ аналіз паказаў, што актуальная сума запазычанасці на 12,9% большая, чым было на 1 сакавіка 2024-га (52 млрд 906,9 млн рублёў) і на 1,3%, чым на 1 студзеня 2025 года.
Пратэрмінаваная запазычанасць на 1 сакавіка склала 978,7 млн рублёў (рост у 3,5 раза). На 1 студзеня яна складала 733,5 млн рублёў (+33,4%).
