Беларусь стала вядучым імпарцёрам польскіх груш
7 красавіка, Позірк. У сакавіку 2025 года ў Беларусь было пастаўлена 2.255 тон польскіх груш, паведаміў 7 красавіка Саюз садаводаў Польшчы са спасылкай на даныя Дзяржаўнай інспекцыі па абароне раслін і насенняводству.
З апублікаванай інфармацыі вынікае, што ў мінулым месяцы Беларусь была вядучым імпарцёрам гэтай прадукцыі. Далей ідуць Казахстан (1.498 т), Украіна (645 т), Сербія (60 т) і Кыргызстан (39 т).
У лістападзе 2024 года Мытны камітэт Беларусі паведамляў аб “спыненні незаконнай транспарціроўкі ў Расію агулам 80 тон груш польскага паходжання”.
Паведамлялася, што “прадукцыю перамяшчалі без неабходных таварасуправаджальных дакументаў і сертыфікатаў, якія пацвярджаюць яе бяспеку”.
Пры гэтым “адзін з грузавікоў накіроўваўся ад беларуска-польскай мяжы на беларускіх рэгістрацыйных нумарах, якія ў Віцебску былі замененыя на расійскія”.
“У дакументах, па якіх кіроўца ўвозіў тавар праз мытную мяжу, месцам разгрузкі груш значылася Орша. Аўтамабіль жа ішоў зусім у іншым кірунку”, — адзначалася ў паведамленні.
У снежні прадухілены вываз у Расію садавіны і зеляніны на 400 тыс. долараў — ДМК
29 снежня, Позірк. З пачатку снежня пры правядзенні "спецыяльных мерапрыемстваў" выяўлена "сем фактаў незаконнага транспартавання садавіны і свежай зеляніны з Беларусі ў Расію", паведамляе Дзяржаўны мытны камітэт (ДМК). "Кошт прадукцыі, што перамяшчалася без таварасуправаджальных дакументаў, у тым ліку і без …