Цэны на паліва ў Беларусі 12 красавіка вырастуць на дзве капейкі

11 красавіка, Позірк. Узровень “гранічных максімальных рознічных цэн на маторнае паліва на АЗС” 12 красавіка вырасце на дзве капейкі, вынікае з інфармацыі канцэрна “Белнафтахім”.

Кошты за адзін літр складуць:

АІ-92 — 2,44 рубля;

АІ-95 — 2,54;

АІ-98 — 2,76;

дызельнага паліва — 2,54.

Раней “Белнафтахім” паведаміў, што з 15 сакавіка ў рамках паэтапнай стратэгіі адпускныя цэны на АЗС падвысяцца на 16 капеек за літр паліва, “з крокам па дзве капейкі на тыдзень”.

Адзначалася, што рашэнне прынятае з улікам “ўсебаковай ацэнкі эканамічнай сітуацыі, кан’юнктуры рынку нафты і нафтапрадуктаў у сумежных дзяржавах”.

22 сакавіка цэны на паліва выраслі на дзве капейкі.

20 траўня 2024 года канцэрн абвясціў пра паэтапнае падвышэнне кошту аўтамабільнага паліва на восем капеек — па капейцы на працягу васьмі тыдняў. Заключны, восьмы, раз яно падаражэла 9 ліпеня.