Будучая кіруючая кааліцыя ў Германіі падтрымлівае планы ЕС спаганяць пошліны з беларускіх угнаенняў
12 красавіка, Позірк. Будучая кіруючая кааліцыя ў Германіі падтрымлівае планы Еўрасаюза спаганяць пошліны з беларускіх угнаенняў. Пра гэта гаворыцца ў праекце кааліцыйнага пагаднення, падпісаным блокам ХДС/ХСС (Хрысціянска-дэмакратычная партыя, баварскі Хрысціянска-сацыяльны саюз) і Сацыял-дэмакратычнай партыяй, які вывучыў “Позірк”.
Кааліцыя заяўляе пра намер працягнуць “забяспечваць эфектыўнае прымяненне на нацыянальным узроўні санкцый, уведзеных у выніку агрэсіўнай вайны, развязанай Расіяй”.
