Самалёт “Белавія” экстранна сеў у Анкары з-за дрэннага самаадчування пасажыра, выратаваць яго не ўдалося

26 жніўня, Позірк. Аб экстранай пасадцы самалёта кампаніі “Белавія” ў аэрапорце Анкары паведаміла прэс-служба нацыянальнага авіяперавозчыка.

Інцыдэнт адбыўся 24 жніўня падчас выканання чартарнага рэйса В2 8148 Шарм-эль-Шэйх (Егіпет) — Мінск. Аднаму з пасажыраў стала дрэнна, пасля ён сканаў на борце.

“Экіпаж рабіў усе меры для аказання дапамогі, — гаворыцца ў прэс-рэлізе. — Яшчэ перад пасадкай бортправаднікі аб’явілі па гучнай сувязі аб тым, што патрабуецца падтрымка медыцынскіх работнікаў. На заклік адгукнуліся два кваліфікаваныя ўрачы. Пасажыру была праведзена сардэчна-лёгачная рэанімацыя. Камандзір паветранага судна прыняў рашэнне аб выкананні экстранай пасадкі, каб аператыўна перадаць пасажыра медыкам. На жаль, нягледзячы на ​​ўсе зробленыя намаганні, выратаваць жыццё пасажыра не ўдалося“.

Пасля выканання неабходных працэдур і дазапраўкі борт вылецеў з турэцкай сталіцы ў беларускую, дзе здзейсніў пасадку ў 07:42 25 жніўня. Такім чынам, паводле звестак Нацыянальнага аэрапорта Мінск, затрымка рэйса склала пяць гадзін 15 хвілін.

Палёты на гэты егіпецкі курорт у летнім сезоне “Белавія” ажыццяўляе як з Мінска, так і з Брэста і Віцебска.