Мінабароны аб’явіла аб пачатку другіх вучэнняў і трэцяга мерапрыемства за дзень
Будынак Міністэрства абароны Беларусі ў Мінску
25 жніўня, Позірк. Прыкрыццё ахоўных аб’ектаў і войскаў ад удараў сродкаў паветранага нападзення і манеўры падраздзяленняў зенітных ракетных воінскіх часцей будзе адпрацавана на першым этапе вучэнняў злучэнняў і воінскіх часцей ВПС і войскаў СПА, паведамляе Міністэрства абароны.
Аператыўна-тактычныя вучэнні праходзяць з 25 жніўня па 10 верасня пад кіраўніцтвам намесніка камандуючага ўказанымі войскамі генерал-маёра Міхаіла Матросава, гаворыцца ў рэлізе.
Другі этап вучэнняў адбудзецца на палігоне Ашулук (Астраханская вобласць РФ), дзе пройдзе іх “актыўная фаза з баявой стральбой”.
Анансавана адпрацоўка новых спосабаў і прыёмаў ужывання сіл.
Мінск падтрымлівае Маскву ў развязанай ёю ў лютым 2022 года поўнамаштабнай вайне супраць Украіны. На тэрыторыі Беларусі практычна ў рэжыме нон-стоп праходзяць ваенныя вучэнні.
Раніцай 25 жніўня ваеннае ведамства аб’явіла аб пачатку вучэбных збораў з ваеннаабавязанымі, прыпісанымі да тэрытарыяльных войскаў некалькіх раёнах Мінскай вобласці і тактыка-спецыяльных вучэнняў з каменданцкімі воінскімі часцямі.
Такім чынам, гэта другія вучэнні і трэцяе мерапрыемства Мінабароны, якія стартавалі за адзін дзень.
