У Мінску затрыманы 38-гадовы мужчына, што падазраецца ва ўзброеным разбоі
12 лістапада, Позірк. 38-гадовы мужчына, што падазраецца ва ўзброеным разбоі, затрыманы ў Мінску, паведамляе прэс-служба Міністэрства ўнутраных спраў.
Уначы 12 лістапада 26-гадовы жыхар сталіцы паведаміў у міліцыю, што знаёмы, пагражаючы прадметам, падобным да пісталета, адабраў у яго 2 тыс. долараў і ўцёк.
Паводле звестак ведамства, мужчыны перыядычна мелі зносіны ў інтэрнэце. Напярэдадні адзін з іх прапанаваў сустрэцца. Пацярпелы прыехаў на аўтамабілі, у салоне якога знаходзіліся грошы ад продажу іншай машыны.
Падчас сустрэчы падазраваны, як паведамляецца, сеў на пасажырскае сядзенне, дастаў зброю і запатрабаваў аддаць наяўныя грошы.
З дапамогай Рэспубліканскай сістэмы маніторынгу грамадскай бяспекі і “пры адпрацоўцы жылога сектара” сілавікі высветлілі асобу і месцазнаходжанне меркаванага нападніка.
38-гадовага жыхара Мінскай вобласці затрымалі пры сілавой падтрымцы байцоў атрада міліцыі спецыяльнага прызначэння. У яго вынялі незарэгістраваны пісталет “Берэта”, пнеўматычную вінтоўку і боепрыпасы. Згодна з папярэдняй інфармацыяй, некалькі гадоў таму мужчына набыў зброю за мяжой праз інтэрнэт.
Частку выкрадзеных грошай ён паспеў змарнаваць, астатнія атрымалася вярнуць.
Затрыманы падазраваны ў рабаванні ювелірнай крамы ў Мінску
23 жніўня, Позірк. Міністэрства ўнутраных спраў паведаміла 23 жніўня аб затрыманні падазраванага ў разбойным нападзе на ювелірную краму ў Мінску. "Зладжаная праца падраздзяленняў міліцыі дазволіла на працягу сутак высветліць асобу нападніка. Ім аказаўся 34-гадовы мінчанін, які спрабаваў збегчы за мяжу …
Траіх замежнікаў падазраюць у разбоі на замову ў Смалявіцкім раёне (абноўлена)
16 лютага, Позірк. Пра прадухіленне ўзброенага разбою ў адным з прыватных дамоў у Смалявіцкім раёне (Мінская вобласць) паведаміла 16 лютага прэс-служба Міністэрства ўнутраных спраў. Гэта адбылося каля 4:00. Трое “ўзброеных зламыснікаў” аказалі супраціў, “міліцыянеры выкарысталі аўтаматычную зброю”. Двух нападнікаў затрымалі адразу. Трэці, …
