11 красавіка, Позірк. 44 тэмпературныя антырэкорды абноўленыя на беларускіх метэастанцыях за перыяд анамальна халоднага надвор’я (6–11 красавіка), сведчыць праведзены “Позіркам” параўнальны аналіз аператыўных і архіўных даных Белгідрамета.
У ноч на 11 красавіка перакрыта 15 лакальных мінімумаў, у тым ліку 60-гадовай і 70-гадовай даўніны.
У Мар’інай Горцы перапісаны антырэкорд 1955 года (6,5 супраць 5,1 градуса марозу), у Васілевічах, Брагіне і Жлобіне — экстрэмумы, што трымаліся з 1965 года (адпаведна –6 супраць –4,9 градуса, –5,9 супраць –4,5 і –5,1 супраць –4,2).
За перыяд халоднага надвор’я ў Мсціславе і Клічаве абнавіліся тэмпературныя антырэкорды ўсяго красавіка.
