Апублікавана на адкрытай версіі “Позірку” 10 траўня 2025 года ў 15:37
10 траўня, Позірк. 52 тэмпературныя антырэкорды зафіксаваныя на беларускіх метэастанцыях з пачатку траўня, сведчыць праведзены “Позіркам” параўнальны аналіз аператыўных і архіўных звестак Белгідрамета.
У ноч на 10 траўня перакрытыя чатыры лакальныя мінімумы. Халадней за ўсё было ў Ганцавічах — 2,7 градуса марозу (-1,2 у 2023 годзе). Абнавіліся экстрэмумы таксама ў Лынтупах (-2,3 супраць 2,2 у 2022 годзе), Баранавічах (-1,3 супраць -0,5 у 1984-м) і Лідзе (-0,4 супраць 0 у 1984-м).
Абсалютны мінімум ночы трымаецца з 2017 года (-4,5 у Бярэзінскім запаведніку).
Ноччу 11 траўня Белгідрамет чакае да 5 градусаў марозу, 12 і 13 траўня — да 4.
