З Чырвонай кнігі Беларусі сёлета выключылі амаль у чатыры разы больш відаў, чым унеслі
21 траўня, Позірк. У адпаведнасці з прапановамі Нацыянальнай акадэміі навук у Чырвоную кнігу Беларусі сёлета дадалі 13 відаў жывёл і 5 відаў раслін, паведаміла на прэс-канферэнцыі 21 траўня ў Мінску начальніца упраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Таццяна Жалязнова.
Пры гэтым, паводле яе слоў, з Чырвонай кнігі выключылі 13 відаў жывёл і 58 відаў раслін. Такім чынам, у 2025 годзе з гэтага пераліку выключылі амаль у чатыры разы больш відаў, чым унеслі.
Цяпер у Чырвонай кнізе налічваецца 213 відаў жывёл і 310 відаў дзікарослых раслін, якія знаходзяцца пад пагрозай знікнення, паведаміла Жалязнова.
