У студзені — красавіку аб’ём грузаперавозак знізіўся на 3%
27 траўня, Позірк. Аб’ём грузаперавозак у студзені — красавіку 2025 года знізіўся на 3% (тут і далей у гадавым выражэнні), паведамляе Нацыянальны статыстычны камітэт.
На працягу пяці апошніх месяцаў 2024 года назіралася змяншэнне росту ў гэтым сегменце транспартнай галіны: па выніках студзеня — жніўня аб’ём вырас на 3, 8%, студзеня — верасня — на 2,8%, студзеня — кастрычніка — на 2,3%, студзеня — лістапада — на 1,9%, студзеня — снежня — на 1,5%.
У студзені 2025 года зніжэнне склала 1,6%, студзені — лютым і студзені — сакавіку — на 2,7%.
Пасажыраабарот транспарту (вылічаецца шляхам памнажэння колькасці пасажыраў на адлегласць перавозак) вырас за першую траціну года на 7,2% (па выніках студзеня — сакавіку — 7,1%), было перавезена на 1,5% больш пасажыраў (+2%).
У Беларусі грузаабарот транспарту памяншаўся: у 2019 годзе — на 5,8%, 2020-м — на 5,9%, 2021-м — на 3,6%, 2022-м — на 25,4%, 2023-м — на 17,7%.
Раней аналітыкі Еўразійскага банка развіцця патлумачылі значнае скарачэнне грузаабароту ў Беларусі “парушэннем транспартна-лагістычных ланцужкоў, закрыццём паўднёвай часткі паветранай прасторы Расіі, спыненнем перавозак у зносінах з Украінай”.
Па выніках першага квартала 2025 года пасажыра- і грузаперавозкам Беларусь у Еўразійскім эканамічным саюзе знаходзілася на трэцім (+7,1%) і чацвёртым (-2,7%) месцах адпаведна.
Беларусь зацікаўленая ў злучэнні лагістычных магчымасцей з Азербайджанам — амбасадар Піневіч
27 траўня, Позірк. Беларусь і Азербайджан маюць добрыя магчымасці злучыць важныя маршруты для перавозкі грузаў, вынікае з заявы беларускага амбасадара Дзмітрыя Піневіча на міжнародным круглым стале ў Баку пра ролю азербайджанскай дзяржавы ў еўразійскай транспартнай інтэграцыі. "Беларусь і Азербайджан, знаходзячыся ва ўнікальных …