Амбасадар Славакіі наўрад ці будзе змагацца за вызваленне беларускіх палітвязняў — Вячорка
Апублікавана на адкрытай версіі “Позірку” 30 траўня 2025 года ў 10:30
29 траўня, Позірк. Шкадаванне ў сувязі з прызначэннем Славакіяй амбасадара ў Беларусі выказаў у каментары “Позірку“ галоўны дарадца беларускага дэмакратычнага лідара Святланы Ціханоўскай Франак Вячорка.
“Вельмі шкада. Хоць гэтага і варта было чакаць ад славацкага ўрада. На жаль, гэты крок ідзе насуперак з агульнаеўрапейскай пазіцыяй і толькі на руку Лукашэнку і Пуціну“, — адзначыў ён.
“Цікава, ці будзе амбасадар у Мінску змагацца за вызваленне палітвязняў і падымаць непрыемныя пытанні перад рэжымам? Сумняюся”, — дадаў палітык.
Славакія вяртае ў Беларусь амбасадара Мігаша
29 траўня, Позірк. Праз пяць гадоў пасля сваёй скандальнай адстаўкі славацкі дыпламат Ёзэф Мігаш зноў будзе амбасадарам у Беларусі, вынікае з паведамлення мясцовага агенцтва TASR, якое спасылаецца на інфармацыю дэпартамента камунікацый МЗС Славакіі. Агенцтва цытуе міністра замежных спраў Славакіі Юрая …