Ва ўзросце 46 гадоў памёр былы палітвязень Аляксандр Класкоўскі-малодшы

5 чэрвеня, Позірк. У ЗША ва ўзросце 46 гадоў памёр былы палітвязень Аляксандр Класкоўскі-малодшы, паведаміла ў “Фэйсбуку“ яго сястра, таксама былая палітзняволеная Вольга Класкоўская.

Класкоўскі-малодшы — сын палітычнага аналітыка інфармацыйнага агенцтва “Позірк” Аляксандра Класкоўскага. 19 снежня 2010 года ў Мінску ўдзельнічаў у акцыі пратэсту супраць фальсіфікацыі вынікаў прэзідэнцкіх выбараў на карысць Аляксандра Лукашэнкі. На акцыю выйшаў у міліцэйскай форме, якую захаваў пасля звальнення з сістэмы МУС. Быў збіты, 21 снежня затрыманы ў сваёй кватэры, 26 траўня 2011 года асуджаны на 5 гадоў пазбаўлення волі. Вызвалены па памілаванні, прытым адпаведнае прашэнне ён не пісаў.

Рэдакцыя “Позірку” выказвае спачуванні сям’і памерлага.