У шклоўскай калоніі за год памірала да васьмі чалавек — расследаванне праваабаронцаў
24 чэрвеня, Позірк. Да васьмі чалавек памірала за год у папраўчай калоніі № 17 у Шклове (Магілёўская вобласць), паведаміў сузаснавальнік праваабарончай арганізацыі “Прававая ініцыятыва” і Міжнароднага камітэта па расследаванні катаванняў у Беларусі Сяргей Усцінаў.
Падчас анлайн-прэзентацыі расследавання “Катаванні і жорсткае абыходжанне ў папраўчай калоніі № 17 горада Шклова” праваабаронца паведаміў, што прычыны смерці былі розныя.
“Нікому са зняволеных пра гэта, вядома, не паведамляюць. Калі гаварыць пра ўмовы працы, дык многія паміраюць на вытворчасці”, — адзначыў Усцінаў.
Паводле слоў аднаго з былых зняволеных, “бывалі выпадкі, калі не паспявала машына прыязджаць спецыяльная”. “У фае ў мяшку ляжыць цела. <…> Яго спускаюць [па лесвіцы], ногі валакуцца па прыступках. Гэта ўсё жудасна”, — дадаў экс-вязень ПК № 17.
“Чалавек памёр у суседнім атрадзе ад сардэчнага прыступу. Яму заставалася некалькі месяцаў да вызвалення. Ён проста лёг, упаў сярод людзей і памёр, таму што яму ніхто не надаў дапамогу. Супрацоўнік медчасткі з’явіўся толькі пасля таго, як прыехала хуткая”, — прыводзяцца словы іншага экс-зняволенага.
Падчас анлайн-прэзентацыі Усцінаў паведаміў, што было вывучана 18 інтэрв’ю з “пацярпелымі — былымі палітычнымі зняволенымі, якія адбывалі пакаранне ў гэтай калоніі з снежня 2020 года па чэрвень 2024 года”. “Уся дакументацыя гэтых былых палітвязняў складалася з 836 старонак — менавіта столькі тэкстаў было прааналізавана нашымі даследчыкамі”, — адзначыў праваабаронца.
Адным з загінулых у шклоўскай калоніі з’яўляецца грамадскі актывіст Вітольд Ашурак. Ён пайшоў з жыцця пры невысветленых абставінах 21 траўня 2021 года.
Падрабязнасці даступныя падпісчыкам “Позірк+”
Смерць Вітольда Ашурка ў няволі — забойства, вынікае з расследавання праваабаронцаў
24 чэрвеня, Позірк. Палітыку і грамадскаму дзеячу Вітольду Ашурку ў калоніі праламалі галаву, а пасля своечасова не аказалі медыцынскую дапамогу, паведаміў 24 чэрвеня сузаснавальнік праваабарончай арганізацыі "Прававая ініцыятыва" і Міжнароднага камітэта па расследаванні катаванняў у Беларусі Сяргей Усцінаў. Падчас анлайн-прэзентацыі …
