Польскія памежнікі затрымалі беларуса, які спрабаваў пакінуць краіну на “БМВ” з замененымі нумарамі

10 сакавіка, Позірк. 27-гадовы грамадзянін Беларусі затрыманы польскімі памежнікамі на мяжы з Калінінградскай вобласцю (РФ), паведаміла Памежная ахова Польшчы.

Беларус выязджаў з Польшчы 8 сакавіка. Адзначаецца, што раней ён прыбыў у краіну на аўтамабілі “БМВ“ з чэшскімі рэгістрацыйнымі нумарамі, а выехаць спрабаваў на ім жа — з беларускімі нумарамі. Гэта было ўстаноўлена супрацоўніцай польскай памежнай службы пры праверцы транспартнага сродку.

Паведамляецца, што аўтамабіль зарэгістраваны на лізінгавую кампанію ў Чэхіі. Па выніках праверкі “БМВ“ унесены ў чэшскія базы даных як той, што адшукваецца.

Кошт аўтамабіля складае каля 33 тыс. долараў. Транспартны сродак канфіскаваны.