Латвія зафіксавала рэкордную за апошні год сутачную колькасць спробаў нелегальнай міграцыі з Беларусі

19 красавіка, Позірк. Рэкордную за апошні год колькасць спробаў незаконнага пераходу з тэрыторыі Беларусі — 134 — зафіксавала 18 красавіка Дзяржаўная памежная ахова Латвіі, сведчыць праведзены “Позіркам“ аналіз масіву яе аператыўных звестак.

Больш спробаў апошні раз адзначалася летась 1 траўня — 148.

Трохзначная колькасць спроб незаконнага пераходу беларуска-латвійскай мяжы мігрантамі з трэціх краін рэгістравалася 16 разоў на працягу 342 дзён, якія прайшлі з таго часу.

Сярод суседніх краін Еўрасаюза Латвія застаецца найбольш папулярным кірункам у нелегалаў, якія спрабуюць трапіць у ЕС праз беларускую тэрыторыю: 1.099 спробаў пранікнення з пачатку красавіка, 1.414 — з пачатку года.

Больш статыстыкі даступна падпісчыкам “Позірк+”