Распачатая крымінальная справа па факце гібелі жанчыны ў Лепельскім раёне

19 красавіка, Позірк. Аб узбуджэнні крымінальнай справы па факце гібелі жанчыны ў Лепельскім раёне (Віцебская вобласць) паведамляе Следчы камітэт.

Справа распачатая паводле ч. 1 арт.139 Крымінальнага кодэкса (забойства).

Пры гэтым, як адзначаецца, супрацоўнікі СК “высвятляюць асобу загінулай”.

Цела жанчыны знойдзена 17 красавіка ў лясным масіве. Паводле папярэдніх звестак, “смерць носіць крымінальны характар”, паведамілі ў ведамстве. Узрост загінулай — 18–40 гадоў, рост — каля 170 см.

“На месцы працавала следча-аператыўная група. Праведзены агляд, канфіскаваныя прадметы і аб’екты, якія маюць значэнне для следства. Для высвятлення абставінаў здарэння прызначаны шэраг экспертных даследаванняў”, — гаворыцца ў паведамленні.

Паводле даных Вярхоўнага суда, паводле арт. 139 КК у 2025 годзе было асуджана 138 чалавек, у 2024-м — 174.