У 20 раёнах уведзеныя абмежаванні на наведванне лясоў

20 верасня, Позірк. У 98 раёнах Беларусі з 118 дазволена свабоднае наведванне лясоў, сведчыць інтэрактыўная карта на сайце Міністэрства лясной гаспадаркі.

У 20 раёнах дзейнічаюць абмежаванні, пры якіх у лясы нельга заязджаць на аўтамабілі і разводзіць там вогнішчы, але даступныя пешыя прагулкі, збор ягад і грыбоў.

Абмежаванні распаўсюджваюцца на Клічаўскі раён (Магілёўская вобласць), Акцябрскі, Жыткавіцкі (абодва — Гомельская вобласць), Старадарожскі, Слуцкі, Салігорскі, Любанскі (усе — Мінская вобласць), Столінскі, лунінецкі, Ганцавіцкі, Пінскі, Івацэвіцкі, Іванаўскі, Бярозаўскі, Драгічынскі, Пружанскі, Кобрынскі, Жабінкаўскі, Брэсцкі і Маларыцкі (усе — Брэсцкая вобласць).

Забаронаў на наведванне лясоў не ўводзілася нідзе.