У Беларусі 30 чэрвеня чакаецца моцны вецер — МНС папярэджвае пра небяспеку
30 чэрвеня, Позірк. Пра небяспеку ўзмацнення ветру, якое чакаецца 30 чэрвеня, папярэджвае Міністэрства па надзвычайных сітуацыях.
У Беларусі тэмпература паветра складзе ад 17 да 23 градусаў цяпла. Прагназуецца заходні, паўночна-заходні вецер хуткасцю 5–10 метраў за секунду (у дыяпазоне 3–5 балаў з 12 па шкале Бофарта, класіфікуецца як слабы, умераны і свежы вецер у парадку ўзрастання хуткасці). Разам з тым парывы ветру будуць дасягаць 14 м/с (7 балаў; дужы), ранкам і ўдзень у многіх раёнах — 15–20 м/с (7-8 балаў; дужы і вельмі дужы).
Гэтыя ўмовы надвор’я, адзначае МНС, могуць прывесці да пашкоджання (абрыву) ліній сувязі і электраперадачы, парушэння электразабеспячэння, адключэння электрычных падстанцый, электраэнергіі ў населеных пунктах; пашкоджання (абвальвання) слаба ўмацаваных канструкцый, дахаў будынкаў, збудаванняў, падзення дрэў.
У мінскім Батанічным садзе галінка траўміравала двух чалавек — МНС
29 чэрвеня, Позірк. Тры чалавекі пацярпелі ў Беларусі ад штармавога ветру 29 чэрвеня, вынікае з вечаровага паведамлення МНС. "У Мінску ў выніку падзення галінкі ўнутры Цэнтральнага батанічнага саду Нацыянальнай акадэміі навук Рэспублікі Беларусь два чалавекі атрымалі траўмы", — адзначаецца ў …
