Курс наяўнага долара ў чэрвені знізіўся на 0,97%, за паўгоддзе — на 14,65%
2 ліпеня, Позірк. На 14,65% (з 3,4625 да 2,9553 рубля) знізіўся ў першай палове 2025 года сярэдні курс наяўнага долара ЗША, сведчыць праведзены “Позіркам” аналіз каціровак, якія выстаўляюць галаўныя аддзяленні беларускіх банкаў.
У студзені долар патаннеў на 2,29% (да 3,3831), у лютым — на 5,10% (да 3,2107), у сакавіку — на 2,95% (да 3,1161), у красавіку — на 3,57% (да 3,0049), у траўні — на 0,69% (да 2,9843), у чэрвені — на 0,97%.
Летась у студзені — чэрвені наяўны долар патаннеў на 0,35% (з 3,1874 да 3,1764 рубля), за год — падаражэў на 8,63% (да 3,4625), у студзені — чэрвені 2023-га — падаражэў на 11,64% (з 2,7197 да 3,0363 рубля), за год — на 17,20% (да 3,1874); у студзені — чэрвені 2022-га — патаннеў на 0,32% (з 2,5674 да 2,5591), за год — падаражэў на 5,93% (да 2,7197).
