2 ліпеня, Позірк. Міжнародныя рэзервовыя актывы Беларусі на 1 ліпеня 2025 года склалі 11 млрд 537,3 млн долараў у эквіваленце (новы рэкорд), сведчаць папярэднія звесткі Нацыянальнага банка.
За чэрвень золатавалютныя рэзервы (ЗВР) выраслі на 379,3 млн долараў (+3,4%).
Манетарнае золата ў структуры ЗВР складае 5 млрд 691,7 млн долараў (+19,4 млн за месяц; +0,34%), спецыяльныя правы запазычання — 1 млрд 418,3 млн (+21,0 млн; +1,5%), рэзервовыя актывы ў замежнай валюце — 4 млрд 427,1 млн (+338,9 млн; +8,3%).
Рэзервовая пазіцыя ў Міжнародным валютным фондзе і іншыя актывы засталіся ранейшымі — 0,03 млн і 0,1 млн долараў адпаведна.
На 1 студзеня рэзервовыя актывы складалі 8 млрд 922,6 млн долараў. Такім чынам, за паўгода яны выраслі на 2 млрд 614,7 млн долараў (+29,3%).
Чыстыя замежныя актывы Нацыянальнага банка за пяць месяцаў 2025 года выраслі на 2,3% (з 32 млрд 673,6 млн на 1 студзеня да 33 млрд 416,6 млн рублёў на 1 чэрвеня), сведчыць праведзены “Позіркам“ аналіз звестак рэгулятара.
За 2024 год ЗВР павялічыліся на 795,2 млн долараў (+9,78%).
