Паміж Масквой і Мінскам будзе курсіраваць больш хуткасных цягнікоў “Ластаўка”

17 ліпеня, Позірк. Паміж Масквой і Мінскам будзе курсіраваць больш хуткасных цягнікоў “Ластаўка”, дамоўленасць аб гэтым дасягнутая на сустрэчы амбасадара Беларусі ў РФ Аляксандра Рагожніка і генеральнага дырэктара “Расійскіх чыгунак” (РЧ) Алега Белазарава.

Як паведамляе беларуская дыпмісія, бакі абмеркавалі “пашырэнне пасажырскіх і грузавых перавозак, выкананне рашэнняў па забеспячэнні прыгарадных зносін, мадэрнізацыі чыгуначнай інфраструктуры партоў, будаўніцтва высакахуткаснай магістралі па маршруце Масква — Мінск — Масква”.

Цягнікі РЖД “Ластаўка” пачалі выконваць рэйсы паміж сталіцамі Беларусі і Расіі з 30 красавіка 2021 года. Час у шляху складае менш за сем гадзін. Цягнік складаецца з пяці вагонаў, пасажырам даступныя два класы абслугоўвання — “бізнес” і “эканом”.