МНС паведаміла аб ліквідацыі пажару ў мінскім інтэрнаце, было эвакуявана 35 дарослых і 15 дзяцей

22 ліпеня, Позірк. Аб ліквідацыі пажару ў інтэрнаце на вуліцы Солтыса ў Мінску паведаміла 22 ліпеня прэс-служба Міністэрства па надзвычайных сітуацыях.

Узгаранне адбылося ў двухпакаёвай кватэры на плошчы 20 кв. м, адзначае ведамства, падчас тушэння было эвакуявана 35 дарослых і 15 дзяцей.

На месцы здарэння працавала 12 адзінак тэхнікі.

Прычына і абставіны здарэння высвятляюцца.

Раней паведамлялася, што дзве жыхаркі Навагрудка (Гродзенская вобласць) — 72-гадовая гаспадыня кватэры і яе 63-гадовая госця — пацярпелі на пажары 20 ліпеня і былі шпіталізаваныя.

Паводле даных МНС на 6:00 22 ліпеня, з пачатку года на тэрыторыі Беларусі здарылася 3.875 пажараў (за аналагічную дату 2024-га — 3.274; +18,4%), загінула 327 чалавек (296; +10,5%).