Рыжанкоў сцвярджае, што на Захадзе нелегальных мігрантаў лічаць “недачалавекамі”, а ЕС ператвараецца ў “гета”
23 ліпеня, Позірк. З шэрагам заяў, накіраваных супраць Еўрасаюза, выступіў міністр замежных спраў Максім Рыжанкоў у інтэрв’ю тэлеканалу “Беларусь 1” (апублікавана 22 ліпеня).
Гаворачы пра міграцыйны крызіс на мяжы з ЕС, у арганізацыі якога краіны Захаду абвінавачваюць Мінск і Маскву, чыноўнік заявіў: “Еўрасаюз — ён жа, наогул, аддзяляецца гэтай сцяной жа не ад Беларусі з Расіяй. У іх у думках аддзяліцца ад гэтых ордаў, значыць, нейкіх нелегальных мігрантаў ці нейкіх, я не ведаю, недачалавекаў адсюль”.
Таксама, паводле яго сцверджання, верагодна, у кантэксце санкцый, ЕС адгароджваецца ад “вялізнага рынку Еўразіі і прылеглай сюды Афрыкі”.
“Яны закрываюцца і робяць фактычна… Для мяне гэта квазі-гета, толькі для сябе. Думаючы, што яны закрываюць нас, на самой справе яны закрываюцца ў гэтым лапіку Заходняй Еўропы <…>. І добрым гэта для іх нічым не скончыцца”, — сказаў кіраўнік МЗС.
Рыжанкоў згадаў “чэргі дзённыя на мяжы” з Польшчай і Літвой, а таксама закрыццё авіязносін з Мінскам у 2021 годзе: “Немагчыма сёння на самалёце нармальна паляцець адпачыць, там, у Грэцыю, Іспанію, Італію — куды раней людзі ездзілі. Ці хай на гэта халоднае, але мора ў Балтыцы” (цытата пададзена ў арыгінале).
Пры гэтым ён змаўчаў пра дзеянні Мінска, якія прывялі да санкцый.
МЗС Беларусі ў кантэксце міграцыйнага крызісу заклікала Літву да "прафесійнага дыялогу, а не да палявання на прывідаў"
23 ліпеня, Позірк. МЗС Беларусі "з цікавасцю ўспрыняў свежыя заявы кіраўніка літоўскай памежнай заставы Альгіса Кіселюса аб нібыта існуючых на <…> [беларускай] тэрыторыі "трэніровачных курсах па пераадоленні плота" для мігрантаў", заявіў прэс-сакратар ведамства Руслан Варанкоў на афіцыйнай старонцы знешнепалітычнага ведамства …
