У чэрвені намінальны сярэдні заробак вырас на 65,5 рубля
24 ліпеня, Позірк. Намінальны налічаны сярэдні заробак работнікаў Беларусі ў чэрвені 2025 года склаў 2.717,8 рубля — на 65,5 рубля больш (+2,5%), чым у траўні (2.652,3), сведчыць праведзены “Позіркам” аналіз даных Нацыянальнага статыстычнага камітэта.
У снежні 2024-га ён складаў 2.693,9 рубля, студзені 2025-га — 2.427,4, лютым — 2.428,1, сакавіку — 2.601,8, красавіку — 2.613,5.
Згодна з зацверджанымі Аляксандрам Лукашэнкам найважнейшымі эканамічнымі прагнознымі (дэ-факта — планавымі) параметрамі на 2025 год, рост рэальных наяўных грашовых даходаў насельніцтва павінен скласці 4%, інфляцыя — не перавысіць 5%.
