31 ліпеня, Позірк. Супрацоўнікі Мінскай рэгіянальнай мытні спынілі спробу незаконна ўвезці з Латвіі калекцыю карцін коштам больш як 63,5 тыс. рублёў (каля 21,2 тыс. долараў), вынікае з паведамлення прэс-службы Дзяржаўнага мытнага камітэта.
15 незадэклараваных твораў мастацтва былі знойдзеныя ў аўтамабілі, што прыбыў на кантроль у пункт мытнага афармлення “Мінск-ТЛЦ-2”. Карціны былі схаваныя сярод заяўленага ў суправаджальных дакументах зборнага грузу.
У дачыненні да перавозчыка распачаты адміністрацыйны працэс паводле ч. 1 арт. 15.5 КаАП (недэклараванне або прадстаўленне недакладных звестак аб таварах).
Санкцыі гэтага артыкула прадугледжваюць штраф — да 30% кошту тавару, які незаконна перамяшчаецца.
Гл. таксама:
Беларуска, якая працуе ў Германіі, спрабавала ўвезці на радзіму незадэклараваныя 50 тысяч еўра
Літоўскія мытнікі знайшлі ў цягніку са шчэбнем партыю кантрабандных цыгарэт на 400 тыс. еўра
