Запазычанасць фізічных асоб па спажывецкіх крэдытах за год вырасла на 34,8% (падрабязна)
31 ліпеня, Позірк. У студзені — чэрвені 2025 года банкі, што працуюць у Беларусі, выдалі фізічным асобам крэдытаў (у нацыянальнай і замежнай валютах) на 7 млрд 908,8 млн рублёў (тут і далей у эквіваленце) — на 4,1% больш, чым за першае паўгоддзе 2024-га (7 млрд 594 млн), вынікае з праведзенага “Позiркам” аналізу даных Нацыянальнага банка.
З гэтай сумы на спажывецкія патрэбы выдадзена крэдытаў на 6 млрд 234,7 млн рублёў (5 млрд 828,3 млн; +7% у гадавым вымярэнні).
Запазычанасць фізічных асоб па крэдытах на 1 ліпеня 2025 года склала 27 млрд 890,3 млн рублёў (год таму — 22 млрд 812,6 млн; 22,3%), у тым ліку па спажывецкіх крэдытах — 10 млрд 953,7 млн (8 млрд 127,6 млн; +34,8%).
